Ambasadori Aleksandër Arvizu ka zhvilluar gjatë paradites së sotme një takim me ministrin e ardhshëm të energjitikës, Damian Gjinkurin.

Arvizu ka mbërritur në selinë e Partisë Socialiste rreth orës 11:00. Në takimin që zgjati rreth 1 orë Arvizu shoqërohej nga këshilltarët e stafit të tij si dhe nga zv.ambasadori Henry V. Jardine.

Në fund të takimit asnjëri prej tyre nuk ka pranuar të flasë për mediat, por kanë komentuar shkurt që SHBA-ja dhe Shqipëria pritet të kenë një bashkëpunim të ngushtë me ardhjen e qeverisë së re në pushtet.

/Elona Tereziu/