Versioni i ri i historisë së gjobëvënies prej 300 milion lekë ndaj një të riu nga Peshtan i Fierit, ka qenë një trillim për të detyruar vëllain e tij që t’ia dërguar atij në Angli.

Dyshimin në lidhje me mashtrimin, e ka hedhur vetë vëllai i “pengut”, Diko Hazizaj, i cili ditën e djeshme ka shkuar në policinë e Fierit dhe

ka deklaruar se gjithçka është kurdisur.

Në fakt dy ditë më parë, Gjykata për Krime të Rënda, në një seancë me dyer të mbyllura la në burg pa afat gjobëvënësin nga Shkodra, Aleks Lala, vetëm 27 vjeç.

Mirëpo në lidhje me gjithë këtë ngjarje, që duket se është e gjitha sajesë e 36-vjeçarit Ilir Hazizaj, prokuroria ka dy versione dhe po heton në dy pista.

Prokuroria ka nisur në drejtim të Londrës një letërporosi për rastin në fjalë dhe derisa të mbërrijnë shkresa nga

hetimi londinez saktësohet se ngjarja do të hetohet në linjën e gjobëvënies.

Operacioni për të kapur gjobëvënësin e Hazizajt u finalizua ditën e diel, ndërsa për të bërë të mundur arrestimin e gjobëvënësit bëhet me dije se prokuroria e Krimeve të Rënda dhe policia e Shtetit kishin punuar për rreth dy javë.

/Ardiol Hoxha/