Emigrantët shqiptarë që jetojnë dhe punojnë në Greqi, janë kthyer në Shqipëri. Sipas një raporti të bërë kohët e fundit rreth 18-22 % ose 180 mijë emigrantë janë larguar nga Greqia.

Gazeta greke “Ta Nea”, thekson se, kjo ndodh për shkak të taksave të larta dhe rritjen e kostos së jetesës, si dhe nga kufizimi i mundësive dhe papunësinë që shkon në 27.4%.

Sipas raportit e ACIT-it (Albanian Center for Competitiveness and International Trade) thuhet se, “Kriza financiare ka detyruar shqiptarët që të rikthehen në vendin e tyre si kurrë më parë. Pas shumë vitesh qëndrim në Greqi, pasi janë bërë kryefamiljarë, kthimi në atdhe nuk është e lehtë për të gjithë shqiptarët.”

Autoritet në Shqipëri inkurajojnë rikthimin e emigrantëve, duke u akorduar një ndihmë financiare prej 60 euro për familje, por vetëm 5% e të riatdhesuarve kërkojnë dhe marrin këtë përkrahje financiare.  ACIT thekson se vala e të rikthyerve pritet që të vërë në presion shërbimet publike të Shqipërisë sidomos sistemin arsimor dhe atë shëndetësor.

/Erilda Sulika/