Punimet për vendosjen e tabelave sinjalizuese në aksin Kashar–Durrës pritet të përfundojnë brenda dy muajve dhe kapin një vlerën totale prej 165 milionë lekësh. Sipas ministrit të Transportit dhe Infrastrukturës, Edmond Haxhinasto,  ndërhyrja në akse të ndryshme për pajisje me sinjalistikë rrugore ka ulur ndjeshëm aksidentet automobilistike.

Qëllimi i Ministrisë së Transportit është që brenda këtij viti të pajisë me sinjalistikën e duhur të qarkullimit rrugor akset kryesore të vendit. Ndërkohë që, ndërhyrje për zgjerimin dhe riparimin e rrugëve do të ketë në aksin Rrogozhinë–Kakavijë dhe Fushë Krujë–Shkodër.