Faqja zyrtare e Interit në internet jep lajmin e bujshëm: Valter Mazarri është trajneri i ri i skuadrës zikaltër.

Klubi milanez falënderon Andrea Stramaçionin për punën e kryer dhe njofton se me ish-trajnerin e Napolit do të ketë një kontratë dyvjeçare, por pa përmendur pagën e teknikut të ri.

“Kemi nevojë për një trajner si Mazarri“, shprehet presidenti Masimo Morati. Ndërsa për Stramaçioni u shpreh: “Stramaçioni ka talent, por ndoshta për të është më mirë një situatë më e lehtë se kjo. Trajnerin e ri e kemi zgjedhur me shumë kujdes dhe me të do flasim edhe për merkaton”.

/Dorjan Gjepali/