Partia opozitare maqedonase “VMRO-Popullore”, i ka kërkuar qeverisë së Maqedonisë që të angazhohet në zbulimin e varrezave të viktimave të shkaktuara nga ushtria serbe.

VMRO-Popullore  ka përshëndetur ndërtimin e memorialit gjigant në Zajaz për shqiptarët e vrarë në vitin 1913 nga ana e ushtrisë serbe.

Në komunikatën e kësaj partie për mediat thuhet : “VMRO- Popullore e përshëndet ndërtimin e kompleksit memorial në Zajaz për shqiptarët e vrarë në vitin 1913, në të cilin, vend qendror do të zë monumenti në bronz, i quajtur “Nëna Shqipëri”. Jemi të tmerruar nga dëshmitë e një krimi të atillë, në të cilin jetën e kanë humbur luftëtarë që kanë mbrojtur familjet e tyre, civilë dhe madje edhe fëmijë të pafajshëm”.

/ Elta Liksenaj /