Një makinë ka shpërthyer mëngjesin e sotëm në qytetin e Vlorës, si pasojë e një sasie eksplozivi të vendosur në automjet.

Sipas burimeve të policisë automjeti është një fuoristradë tip ‘’Benz’’, me targa AA 663 FB.  Fatmirësisht nga shpërthimi nuk janë shënuar viktima.

Automjeti ka shpërthyer në kohën që ishte në lëvizje në rrugën transballkanike, ndërsa sasia e eksplozivit ishte vendosur në pjesën e përparme të automjetit, saktësojnë burimet policore.

Pronari i automjetit është dërguar me urgjencë në spitalin rajonal të Vlorës ndërsa identiteti i tij nuk bëhet ende i ditur.

/Elona Tereziu/