Thana në sajë të përbërësve të saj ka gjetur një përdorim të gjerë në mjekësinë alternative.

Për qëllime mjekësore përdoren kokrrat e thanës, gjethet, lëvorja e degëve dhe bërthamat e frutave. Kokrrat e thanës kanë një shije paksa të hidhur, por janë të pasura me shumë vlera ushqyese.

Ato përmbajnë rreth nëntë për qind sheqer, acide organike, vitaminë C etj. Frutat e thanës kanë veti të mira rrudhëse dhe bëjnë mirë në rastet e heqjes së barkut, barkut të verës, posaçërisht të fëmijëve të vegjël. Ndërsa rakia e prodhuar nga frutat e thanës përdoret kundër ekzemës së lëkurës.

Ndihmon kundër plakjes

Për shkak të flavanoidit, karatinoidit që përmban, thana ka veti antioksiduese. Po ashtu përmban edhe melatoninë një hormon rregullues i ritmit të jetës.
Thana ndalon mpiksjen e gjakut, ndaj ata që vuajnë nga hemofilia këshillohen ta përdorin sa më shumë. Po ashtu është e vlefshme dhe për diabetiket.
Ul temperaturat e larta, ndihmon kundra infeksioneve të rrugëve urinare dhe kundra formimit të gurëve në veshka. Ndërsa rrënja e saj ka qenë përdorur në kohët e lashta për të krijuar pomadat  në raste djegieje.

Thanat mund ti bëni recel ose marmelatë

Gjethet e thanës  përmbajnë 10 deri 15% taninë. Ato kanë veti të mira për ndalimin e barkut të verës, sidomos te fëmijët. Merren një kg thana gjysmë të pjekura. Zien me sheqer dhe bëhet reçel. Nga ky reçel u jepet fëmijëve nga 2 lugë kafeje në ditë për ndaljen e barkut. Të sëmurëve me acid (që u është mbledhur uji në bark), u këshillohet kjo përgatitje.  Merren një grusht thana gjysmë të pjekura ose të thata dhe zihen me një litër ujë për një orë e mandej kullohet.

Ky lëng përzihet me çajin e fituar nga shegët e egra. Nga kjo përzierje lëngjesh të tharta, merret nga një lugë gjelle, sa herë që i sëmuri të ketë etje për ujë.

/Elta Liksenaj/