Venizelos: Greqia kërkon dhënien e statusit për Shqipërinë

0

Athina përkrah dhënien e menjëhershme të statusit kandidat për antarësimin e Shqipërisë në familjen europiane. Këtë njoftim e ka bërë të ditur ministria e jashtme greke ku Venizelos ka udhëzuar ambasadorin e Greqisë në Tiranë për komunikimin e këtij qëndrimi të palës Greke.

Përvec kësaj komunikate, Ministria e Jashtme gereke shpreh se është e gatshme t’i ofrojë Shqipërisë cdo mbështetje për të përmbushur kushtet që i janë vënë vendit tonë nga BE.

Venizelos ka udhëzuar edhe ambasadorin grek në Beograd që t’i shprehë qeverise serbe përgëzimet për marrjen e statusit të kandidatit për anëtarësim, duke vlerësuar se ky zhvillim do të ketë ndikim pozitiv në perspektivën europiane të Ballkanit Perëndimor.

Venizelos e cilëson si “ngjarje historike” dialogun Prishtinë-Beograd dhe shpreh dëshirën të vizitojë kryeqytetin e Serbisë sapo Greqia të marrë presidencën e BE-së.

/Sidorela Jança/

PËRGJIGJU

Please enter your comment!
Please enter your name here