Populli venezuelian pritet të zgjedhë të dielën Presidentin e ri, pas vdekjes së liderit Hugo Çavez.

Autoritetet vendase kanë rritur masat e sigurisë dhe kanë mbyllur kufijtë, pasi i druhen një “komploti” amerikan. Nikolas Maduro, kandidati për President i partisë në pushtet, deklaroi se zyrtarët amerikanë po bëjnë plane për vrasjen e tij. Ai u zgjodh fillimisht si President në detyrë nga vetë Çavezi para se të vdiste.

Sipas sondazheve të fundit, Maduro është 20 pikë në avantazh kundrejt kundërshtarit të tij Henrike Kapriles. /Muzafere Dema/