“Tri dritare dhe një varje” premierë në 2014

0

Filmi “Tri dritare dhe një varje” do të jetë filmi që pritet të shfaqet në kinematë kosovare në fillim të vitit 2014.

Filimi është një prodhim i kompanisë filmike CMB, i cili tashmë i ka përfunduar xhirimet e tij që kanë zgjatur plot 34 ditë dhe është me regji të Isa Qosjes dhe skenar të Zymber Kelmendit..

Tematika kryesore që trajton ky film lidhet me pasojat e dhunimeve gjatë luftës. Kasti i aktorëve është tepër i pasur, në të marrin pjesë Irena Cahani, Luan Jaha, Donat Qosja, Xhevat Qorraj, Leonora Mehmeti, Selman Jusufi, Syle Kuqi, Basri Shala etj.

Producentët e filmit janë Shkumbin Istrefi dhe Mentor Shala, ndërsa drejtor fotografie Gokhan Tiryaki nga Turqia, xhirues i filmit fitues në Festivalin e Cannes, “Once upon a time in Anatolia”, të regjisorit turk, Nuri Bilge Cejlanit.

Filmi pritet të fillojë montazhin gjatë muajve të verës, ndërsa premiera e tij do të shfaqet në fillim të vitit 2014.

Edhe ky si çdo film tjerët e realizuar në Kosovë nuk mundi të shkëputej nga tmerret e luftës së Kosovës, pasi ajo ka qenë një nga ngjarjet më të tmerrshme e cila do të mbesë gjithmonë dëshmi e atyre viteve.

/Sonila Qazimi/

PËRGJIGJU

Please enter your comment!
Please enter your name here