Tre sindikatat më të mëdha të punëtorëve në Itali organizuan një marshim të përbashkët në Romë.

Protesta u zhvillua në kuadër të taksave të padrejta dhe papunësisë së madhe që ka kapluar shtetin e Italisë.

Aktivistët dhe punëtorët u mblodhën herët në mëngjes, duke arritur numrin e rreth 1500 autobusëve dhe dhjetë trenave nga e gjithë Italia, si dhe një anije nga Sardenja.

Susanna Camusso, lidere e CGIL, e lëvizjes sindikale më të madhe në Itali tha -“Jemi këtu këtë mëngjes për të thënë se vendi ynë ka nevojë për një përgjigje të shpejtë, për të kaluar këtë krizë”.

Të treja sindikatat nuk kanë demostruar së bashku për më shumë se 10 vjet.

/Najada Fosa/