Parandalohet në Tiranë një tjetër krim në familje. Burime nga policia e Tiranës bëjnë me dije se kanë mundur të arrestojnë në flagrancë shtetasin Bashkim Hysa, 47-vjec.

Ngjarja u shënua mbrëmjen e djeshme në Shkozë, ndërkohë që nga hetimet paraprake mësohet se bashkëshorti ka pasur një sherr me gruan, ka tentuar ta godasë edhe me mjete prerëse (sëpatë), por me ndërhyrjen e familjareve të tjerë është mundur të shmanget kjo ngjarje.

Vjollca Hysa, bashkëshortja e dhunuar ka bërë menjëherë kallëzimin dhe falë saj policia ka mundur të arrestojë burrin dhunues.

Ende nuk dihen shkaqet e sherrit mes çiftit, ndërkohë që policia ka nisur hetimet për zbardhjen e ngjarjes.

/Shkëndije Çurri/