Kryeministri Sali Berisha gjatë inaugurimit që bëri për sistemin e ri të kontrollit OST SCADA/EMS në Kashar, përmendi dhe ndërtimin e një  “Linjë nënujore Itali-Shqipëri për tregun energjetik”.  Duke falenderuar kompaninë që ka kryer investimin me vlerë 17 milionë eurosh, ai vlerësoi kontributin e italisë në këtë projekt..
Sipas tij, vetëm katër vitet e fundit në sistemin e energjetikës shqiptare janë investuar 730 milionë euro, duke apeluar punonjësit që të përqendrohen në rritjen e efiçencës së përdorimit të energjisë

“Ne vendosëm një standard bazë, që aspiron zhvillimin në këtë mënyrë gjatë këtyre viteve kjo politikë u konsolidua vetëm në sistemin eneregjitik shqiptar ku  sektori publik ka investuar 730 mln euro”.

Kryeministri njoftoi se deri më tani janë nënshkruar 127 kontrata për ndërtimin e 363 HEC-eve, duke vënë theksin se Shqipëria do të jetë një vend eksportues i energjisë.

/ Erilda Sulika/