Sot në Frankfurt të Gjermanisë po zhvillohet tenderi për ndërtimin e linjës së interkoneksionit 400 kv, Shqipëri-Kosovë. Operatori i Sistemit të Transmetimit ka njoftuar se paraprakisht do të dorëzohen ofertat zyrtare nga kompanitë e interesuara për ndërtimin e kësaj linje. Deri tani mësohet se janë 14 kompani të huaja që do të marrin pjesë në
Sot në Frankfurt të Gjermanisë po zhvillohet tenderi për ndërtimin e linjës së interkoneksionit 400 kv, Shqipëri-Kosovë.
Operatori i Sistemit të Transmetimit ka njoftuar se paraprakisht do të dorëzohen ofertat zyrtare nga kompanitë e interesuara për ndërtimin e kësaj linje. Deri tani mësohet se janë 14 kompani të huaja që do të marrin pjesë në tender dhe fituesi do të shpallet pas 1 muaji, kohë kur komisioni vlerësues do të ketë përfunduar shqyrtimin e ofertave përkatëse.
Të dyja vendet do të mund të shkëmbejnë sasi të mëdha energjie, me çmime më të ulëta. Shqipëria arrin të depozitojë në Kosovë vetëm 3 milionë kë/h në ditë, duke shfrytëzuar kapacitetet e transmetimit në maksimumdhe pjesën tjetër, KESH detyrohet ta shesë në treg me çmim të lirë.
Tenderi i parë për ndërtimin e kësaj linje u zhvillua gjatë muajit mars të vitit 2011, kur kompania kroate “Dalekovod” që u shpall fituese me 75 milionë euro. Qeveria nuk njohu procedurat e këtij tenderi dhe e anuloi atë me pretendimin se, kompania fituese kishte prezantuar një çmim 24% më të lartë se kompania që ishte renditur e dyta.
I gjithë projekti i interkonjeksionit Shqipëri-Kosovë kushton rreth 75 milionë euro, ku kostot do të paguhen nga dy shtetet në varësi të gjatësisë së linjave. Ky do të jetë tenderi i dytë që zhvillohet për ndërtimin e kësaj linje, e cila pritet të ulë ndjeshëm varësinë e Shqipërisë dhe të Kosovës nga linjat serbe të transmetimit.
/ Elta Liksenaj /
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *