Dy javë para vendimit final të konscoriumit të Shah Deniz, ku pritet të vendoset për projektin, i cili do të transportojë gazin azer drejt Europës. Ministrat e Jashtëm të vendeve ku kalojnë projektet e gazësjellësve Transadriatik dhe Jonian u takuan dje në Dubrovink (Kroaci).

Në këtë takim ishin të pranishëm përfaqësues të Ministrisë së Jashtme të Shqipërisë, Greqisë, Italisë, ministri i Jashtëm i Kroacisë, Malit të Zi dhe Bosnjë-Hercegovinës. Një ftesë e veçantë në takim ka qenë e rezervuar për Turqinë, Azerbajxhanin dhe Komisionin Europian si aktorë të rëndësishëm

Ministrat e gjashtë vendeve kanë shprehur se ku takim erdhi për të treguar angazhimin politik dhe mbështetjen e plotë për projektin Transadriatik.

Në një deklaratë të përbashkët të ministrave thuhet se TAP është planifikuar të transportojë gazin e Azerbajxhanit nga Greqia për në Itali nëpërmjet Shqipërisë, si pjesë integrale e korridorit jugor të gazit dhe sipas nesh është alternative më e favorshme nga ana tregtare

HYN NË LOJË IZRAELI

Zëvendëspresidnetja e Këshillit të Rregullatorëve të Energjisë së Europës, Valeria Tremini pas takimit të mbajtur  me kreun e Ministrisë së Energjisë dhe Ujit në Izrael deklaron se Bashkimi Europian po e shikon Gazësjellsin Transadriatik si një alternativë të mirë për të përfituar nga rezervat e gazit në Izrael.

Mundësia e transportit përmes TAP do t’i kursente para Izraelit për të mos ndërtuar një linjë të re, që vlerësohet se do t’i kushtonte 7-10 miliardë dollarë, ndërkohë që lidhja me TAP do i kushtonte vetëm 2- 3 miliardë dollarë është shprehur Tremini. Tani pritet vetëm vendimi i Izraelit pro eksportit, vendim që pritet të merret në javët e ardhshme.

PROJEKTI

Aksionerët e Gazësjellësit Transadriatik janë zviceriani Axpo me 42.5%, norvegjezi Statoil me 42.5% dhe gjermania E.ON Ruhrgas me 15%. TAP është parashikuar të jetë 870 km i gjatë ku 550km kalojnë në Greqi, 210 km në Shqipëri, 15 km nëpër detin Adriatik dhe 5 km në Itali.

/Enkeleda Cami/