Edicioni i 12-të i “DokuFest” do të hapet këtë nga dokumentari i regjisores dhe shkrimtares së nominuar për “Oscar” Sarah Polley, i titulluar “Stories we tell”

Festivali fillon të shtunën më 17 gusht nën projektimin e këtij filmi në kinemanë e hapur, Lumbardhi.

“Pak filma kanë kapur intimitetin dhe sekretet e jetës familjare aq mirë sa Sarah Polley me dokumentarin e saj të shkëlqyer “Stories we tell”, thotë Drejtori i Programit të “DokuFest”, Veton Nurkollari.

Sarah Polley në këtë filmi ispirues dhe intim na tregon se e vërteta varet nga personi që e tregon atë.

“Stories we tell” eksploron natyrën e pakapshme të së vërtetës dhe kujtesës, por në thelb është një film personal që tregon se si tregimet na formësojnë dhe prezantojnë si individ dhe familje, tregime të ndërlidhura për të pikturuar një imazh të thellë, qesharak dhe prekës të një tregimi njerëzor më të madh.

/Sonila Qazimi/