Shqipëria në BE, Cameron: Rregulla strikte për parandalimin e emigracionit

0

Kryeministri britanik, David Cameron thekson se nëse Shqipëria dhe Serbia do t’i bashkohen BE-së, duhet që të ndërmarrin nismën për të parandaluar emigracionin masiv. Ai theksoi se do ti bëjë thirrje udhëheqësve të vendeve anëtare të BE-së, që të mos bëjnë gabime siç ndodhi kur Rumania dhe Bullgaria iu bashkuan bllokut në vitin 2007.

Kryeministri Cameron deklaroi se, shtetet që do të jenë anëtare në të ardhmen duhet që të arrijnë një nivel të caktuar të të ardhurave për frymë ose prodhimin ekonomik , para se ato të gëzojnë të drejta të plota për lirinë e tyre të lëvizjes.  Gjithashtu ai mund të propozojë që shtetet anëtare të vendosin vetë në mënyrë individuale, për një numër të caktuar të emigrantëve që hyjnë në vendet e BE-së çdo vit.

Sipas mediave në Britani, nisma e shefit të qeverisë Cameron shihet si një përpjekje për të siguruar konservatorët euro-skeptikë, të cilët janë të shqetësuar për dyndjet, për të marrë të drejtën për të punuar të romunëve dhe të bullgarëve dhe në të ardhmen  për shqiptarët dhe serbët.

/Erilda Sulika/

PËRGJIGJU

Please enter your comment!
Please enter your name here