Të arrestuarit si të dyshuar për shpërthimet e dy ditëve më parë në provincën e Hatajit në Turqi, shumë pranë kufirit sirian, po nxjerrin të dhëna të reja në lidhje me porositësit e këtij sulmi.

Të dhënat e para të raportuara nga mediat turke flasin për sulm të orkestruar nga shërbimet sekrete siriane të quajtura “El Muhabarat” duke përdorur një grup lokal terrorist. Të gjithë të arrestuarit janëme shtetësi turke, ndërsa organizata që funksionon brenda kufijve të Turqisë, raportohet se është duke luftuar aktualisht në krah të forcave të regjimit në Siri.