“Liria dhe dinjiteti – vlera themelore në marrëdhëniet ndërnjerëzore, ndërfetare dhe ndërkulturore” është tema kryesore e Konferencës së Tretë Botërore për Dialog Ndërfetar e Ndërcivilizues që ka zhvilluar punimet këtë fundjavë në Shkup. Në konferencë u mbajtën tre sesione plenare për fetë dhe diversitetet. Në panele u hapen temat: “Shoqëritë pluraliste dhe toleranca religjioze”, “Të
“Liria dhe dinjiteti – vlera themelore në marrëdhëniet ndërnjerëzore, ndërfetare dhe ndërkulturore” është tema kryesore e Konferencës së Tretë Botërore për Dialog Ndërfetar e Ndërcivilizues që ka zhvilluar punimet këtë fundjavë në Shkup.
Në konferencë u mbajtën tre sesione plenare për fetë dhe diversitetet. Në panele u hapen temat: “Shoqëritë pluraliste dhe toleranca religjioze”, “Të jetohet së bashku me respekt ndaj dallimeve”, si dhe “Kontributi i mediave për dialogun ndërfetar dhe interkulturor”, etj.
Ndërsa ditën e dytë të konferencës u mbajt edhe forumi për të rinjtë, me temë: “Roli i religjioneve në ndërtimin e rinisë tolerante”. I pranishëm në këtë ditë ishte edhe presidenti i Republikës së Maqedonisë, Gjorge Ivanov, i cili mbajti edhe një fjalim në mbyllje të konferencës, si edhe ministrja e Kulturës, Elizabeta Kançeska-Milevska.
Konferenca u mbyll me aprovimin e deklaratës së përgatitur nga Komiteti Ndërkombëtar dhe Trupi Koordinues Kombëtar për organizimin e ngjarjes.
Pak ditë më parë Bashkësia Fetare Islame në Maqedoni deklaroi se do të bojkotonte këtë konferencë duke e cilësuar dialogun në të si “farsë”. Përfaqësues të këtij komuniteti nuk morën pjesë në bisedime.
/Romina Qama/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *