Roja i një firme private në Shkodër është gjetur i vdekur përpara godinës së saj ditën e sotme. Nga të dhënat paraprake mësohet se ai është përplasur nga një mjet dhe për pasojë ka gjetur vdekjen e menjëhershme. Ngjarja ndodhi në vendin e njohur si ish-Fermentimi.

Mësohet se drejtuesi i mjetit është larguar menjëherë nga vendngjarja pas aksidentit.

Policia ka mbërritur në vendngjarje dhe ka nisur hetimet për zbardhjen e saj. Viktima ishte roje në një punishte të përpunimit të mishit.

/Erilda Sulika/