Uigani i drejtuar nga Roberto Martinez ka shtyrë festën e fitimit të trofeut të parë, FA Cup. Arsyeja e shtyrjës së festës është rreziku potencial i rënies së skuadrës nga Premier Liga angleze.

Uigan mposhti 1-0 Mançester Sitin në finalen e këtij sezoni për trofeun më të vjetër të historisë së futbollit. Këtë javë, e cila është e parafundit për kampionatin anglez, Uiganit i duhet të fitojë me patjetër kundër Arsenalit.

Aktualisht kjo skuadër gjendet e treta nga fundi i tabelës, me një ndeshje më pak dhe katër pikë më pak se Sanderlendi që ndodhet një vend më lart.

/Klajdi Lleshi/