Do të nisë sot një raund i ri bisedimesh mes Prishtinës dhe Beogradit në funksion të zbatimit të Marrëveshjes. Grupet punuese nga Kosova dhe Serbia pritet të mblidhen në Bruksel për çështjen e mbylljes së strukturave paralele të sigurisë dhe drejtësisë dhe riintegrimin e tyre sipas Marrëveshjes. Zëvendëskryeministrja Edita Tahiri, njëkohësisht koordinatore e grupeve punuese
Do të nisë sot një raund i ri bisedimesh mes Prishtinës dhe Beogradit në funksion të zbatimit të Marrëveshjes.
Grupet punuese nga Kosova dhe Serbia pritet të mblidhen në Bruksel për çështjen e mbylljes së strukturave paralele të sigurisë dhe drejtësisë dhe riintegrimin e tyre sipas Marrëveshjes.
Zëvendëskryeministrja Edita Tahiri, njëkohësisht koordinatore e grupeve punuese nga Prishtina, ka thënë se sot do të fillojnë bisedimet për strukturat ilegale të sigurisë.
Në bazë të Ligjit të Ri mbi Amnistinë, pjesëtarët e organeve ilegale por që kalojnë fazën e amnistisë do të mund të aplikojnë dhe riintegrohen në strukturat legale.
Pas mbylljes së stacioneve ilegale të policisë, në Bruksel do të bisedohet edhe për mbylljen e strukturës së ashtuquajtur “mbrojtja civile” dhe çarmatosjen e këtij formacioni ilegal, ka thënë Tahiri.
Autoritetet pritet t’u bëjnë thirrje edhe popullatës që të çarmatosen dhe të shpëtojnë nga ndjekja penale.
Misioni i Bashkimit Evropian në Kosovë, EULEX ka raportuar tashmë tek grupet punuese se Serbia i ka mbyllur të gjitha stacionet paralele të policisë në veri.
/ Elta Liksenaj /
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *