Raporti i Moody’s: Ekonomia shqiptare vlerësohet me notë pozitive

0

Moody’s, një prej agjencive më të njohura të vlerësimit të riskut në botë, jep vlersimin me gradën “B” për vendin tonë. Ky vlerësim vjen si pasojë e ecurisë pozitive të ekonomisë përsa i përket këtij viti. Gjithashtu kjo agjenci konfirmon se Shqipëria ka një pritshmëri “Stable” në të ardhmen ekonomike.

Makroekonomija e vendit ka qenë pozitive në këtë periudhë të vitit ndërsa gjysma e dytë e vitit vlerësohet si më potencialja për rritjen ekonomike. Duke dhënë kështu një dëshmi me kredibilitet të ekonomisë Shqiptare në një kohë kur Evropa dhe rajoni vazhdojnë të përjetojnë goditjet e krizës financiare.

Sipas Moody` s pavarësisht optimizmit Shqipëria e ka të nevojshme që të vijojë progresin e reformave dhe përmirësimet në disa sektorë si dhe forcimin e mëtejshëm të institucioneve.

Ky raport jo vetëm është një vlersim por gjithashtu dëshmi e kredibilitetit të vendit për stabilitetin makro-ekonomik, politikat dhe reformat ekonomike në mbështetje të biznesit, përmirësimit te mjedisit fiskal dhe vazhdimësisë së reformave ne vend.

/Erzen Carja/

PËRGJIGJU

Please enter your comment!
Please enter your name here