Pyjet e zonës së Pukës përfshihen nga zjarri. Rritja e temperaturave ka aktivizuar 8 vatra zjarri në sektorin pyjor ‘Lak Rroshi’. Flakët e zjarrit po përhapen me shpejtësi të madhe për shkak të erës.
Drejtuesit e Shërbimit Pyjor bënë me dije se zjarri ka përfshirë një sipërfaqe prej 10 dynymësh, ndërsa po punohet për lokalizimin e flakëve.

Aktualisht dy zjarrfikëse ndodhen në vendin e ngjarjes dhe po punojnë për të vënë nën kontroll flakët.

/Amela Shehi/