Ambasadori i ri i Shteteve të Bashkuara të Amerikës, Donald Lu mbërriti të dielën në Shqipëri.

Me anë të një video mesazhi, ambasadori Lu u shpreh se është një privilegj i madh për të që do të ushtrojë detyrën e ambasadorit në Shqipëri.

“Është një privilegj i madh për mua që jam këtu në Shqipëri, vendin e shqiponjave. Familja ime dhe unë presim me kënaqësi të njohim shumë prej jush dhe vendin tuaj të bukur”, tha ambasadori amerikan Donald Lu.

Disa ditë më parë, ambasadori Lu, nëpërmjet një videoje prezantuese tregoi në gjuhën shqipe për veten e tij, për familjen dhe vendlindjen e tij, si dhe tregoi se çfarë pret të bëjë dhe të arrijë në Shqipëri.