Vendimi për të pezulluar ndërtimin e një kishe në komunën Qendër të Maqedonisë, ka shkaktuar reagimin e ashpër të disa OJQ-ve maqedonase dhe të qindra qytetarëve, të cilët kanë kërkuar përmes protestës rifillimin e punimeve. Protestat e djeshme u zhvilluan përpara objektit të Komunës Qendër, ku një grup protestuesish hynë me forcë brenda, duke ndërprerë
Vendimi për të pezulluar ndërtimin e një kishe në komunën Qendër të Maqedonisë, ka shkaktuar reagimin e ashpër të disa OJQ-ve maqedonase dhe të qindra qytetarëve, të cilët kanë kërkuar përmes protestës rifillimin e punimeve.
Protestat e djeshme u zhvilluan përpara objektit të Komunës Qendër, ku një grup protestuesish hynë me forcë brenda, duke ndërprerë mbledhjen e seancës së Këshillit Komunal, ku diskutohej pikërisht për këtë çështje. Demonstruesit i janë drejtuar Kryetarit të Komunës Qendër, Andrej Zhernovski, me thirrjet: “Zhernovski-komunist!, Zhernovski anarkist! Kërkojmë dorëheqjen!”
Më herët Zhernovski deklaroi se nuk do zbrapset nga vendimi për pezullimin e ndërtimit të kishës. Mes të tjerash, ai tha se qytetarët që po protestojnë janë të manipuluar pasi protesta u zhvillua nga organizata joqeveritare “Veritas”.
Për të biseduar mbi gjendjen e krijuar, në ambientet e Komunës Qendër janë paraqitur ambasadori i SHBA-së, Paul Ëohlers dhe ai i Italisë, Fabio Kristiani. Wohlers dhe Kristiani janë takuar me kreun e komunës, Andrej Zhernovski, për të diskutuar mbi vendimin e tij për të pezulluar punimet për ndërtimin e kishës.
Përpara objektit përvec qytetarëve të Komunës Qendër, ishin edhe vëzhgues të Misionit të OSBE-së. Sipas disa mediave maqedonase, në mesin e protestuesve janë edhe disa nga protestuesit që iu kundërvunë aktivistëve të opozitës, më 24 dhjetor të vitit të kaluar.
/ Romina Qama /
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *