Menjëherë pas nënkryetares së Partisë Demokratike, znj. Jozefina Topalli, heshtja është thyer edhe nga Genc Pollo.

Genc Pollo duke mos komentuar rreth humbjes, ka falenderuar të gjithë mbështetësit dhe ata që kanë votuar për Partinë Demokratike.

Gjithashtu, në fjalën e tij ai ka falenderuar Kryeministrin në detyrë, njëkohësisht edhe Kryetarin e Partisë Demokratike z.Sali Berisha.

Në shfaqjen e tij në rrjetin social fejsbu (facebook) z.Pollo shkruan: “Zgjedhjet perfunduan, rezultati doli dhe për të do të flasim. Por tani është momenti për të falenderuar me zemer në dorë votuesit, demokratët, strukturat e Partisë Demokratike të Beratit e Shqipërisë për votën e për përkushtimin e tyre gjatë fushatës. Ka qenë një kohë e mrekullueshme komunikimi e perpjekje. Siç kanë qenë keto 8 vjet të qeverisë së PD me kryeministrin Berisha një periudhe e arte për zhvillimin, begatimin e europianizimin e vendit. Është koha për të shikuar së bashku përpara e me koken lart. G. Pollo.”

/Bekim Bici/