Dita e zgjedhjeve po afron, qindra emigrantë kanë hyrë në Shqipëri gjatë orëve të vona të natës për të qenë të pranishëm më 23 qershor.

Emigrantët janë shprehur se biletat e udhëtimit janë mbuluar nga dy partitë e mëdha politike.

“Jemi të lumtur që do të ushtrojmë të drejtën e votës. Na vjen mirë që partitë politike kanë menduar për shpenzimet e udhëtimit. Unë kam marrë një biletë falas nga një prej subjekteve politike, është biletë vajtje-ardhje, ndaj po vij në vendlindje të votoj. Ndryshe nuk do i kisha mundësitë edhe pse do doja vërtet të jepja votën time”, tha njëri nga emigrantët.

Ndërkohë, fluksi i emigrantëve në pikën kufitare të Kapshticës pritet të rritet ndjeshëm orët në vijim.

/Muzafere Dema/