Paloka, deklaratat për aktin normativ, mashtrime të Ramës

0

Kreu i grupit parlamentar demokrat Edi Paloka i ka cilësuar mashtrime deklaratat e qeverisë se akti normativ i ligjit për nëpunësin civil është teknik, ndërsa është shprehur se largimi i opozitës nga salla është një sinjal që i dërgohet edhe qeverive ndërkombëtare.

“Ishte një vendim i përgatitur dhe një vendim logjik për të dhënë një sinjal qoftë për shqiptarët, qoftë për partnerët tanë por edhe një sinjal për qeverinë, që tregon se ato akte që e ka nisur rrugën Rama nuk të çojnë në një përfundim pozitiv.

Është një përpjekje e Ramës që akti normativ na qënka një rregullim dhe një detaj i parëndësishëm por ai shërben për shfuqizimin e këtij ligji për 6 muaj.  Ky ligj nuk ka hyrë në fuqi dhe ky nuk është as detaj teknik por bëhet një qëllim të vetëm që Rama dhe Koço Kokëdhima të marrin sinomat e tyre.  Kjo është një tallje me shqiptarët sa i përket personazheve që janë vënë në poste të caktuara.” tha Paloka.

/Elta Lisenaj/

PËRGJIGJU

Please enter your comment!
Please enter your name here