Sulmi amerikan ndaj Sirisë mund të ndodhë këtë të enjte. Këtë njoftim e ka bërë televizioni amerikan NBC, i cili ndër të tjera ka cituar se sulmet treditore do të kenë karakter kufizues.

Qëllimi i sulmeve është që t’i dërgohet mesazh presidentit Bashar al Asad. Ndërkohë që një ditë më parë në një deklaratë sekretari amerikan i Mbrojtjes, Çak Hejgel, theksoi se forcat e armatosura të SHBA-së janë të gatshme për aksion, por pritej vetëm urdhëri i presidentit Barak Obama për të sulmuar.

Ndër të tjera Ahmad Ramadan, anëtar i komitetit politik të Koalicionit Kombëtar Sirian ka saktësuar se informacionet nuk janë tërësisht të sakta, pasi këto janë informacione sekrete ushtarake, por ndërhyrja e forcave perendimore ndaj regjimit është vetëm çështje ditësh dhe jo javësh.

/Elona Tereziu/