Klubi i Milanit duket se nuk ka hequr dorë përfundimisht nga blerja e japonezit Keisuke Honda që në këtë merkato. Mediat italiane raportojnë se drejtuesit e klubit në mes të gushtit do të bëjnë goditjen përfundimtare për të marrë mesfushorin nga japonez nga CSKA e Moskës.

“Gazzetta dello Sport” shkruan sot se Milani gjithashtu shpreson ende për të marrë nga Fiorentina futbollistin Adem Ljajiç, i cili nuk po gjen gjuhën e përbashkët me “vjollcat” për rinovimin e kontratës.

Së fundmi Milani arriti të marrë nga Interi shërbimet e mbrojtësit Matias Silvestre. “Më duhej një tjetër eksperiencë pas asaj negative me zikaltërit. Erdha tek Milani për t’u rikthyer në protagonist”, ishin fjalët e para të Silvestres si lojtar i Milanit, shkruan “Gazzetta dello Sport”.

 /Objektiv.al/