Në tubimin e mbajtur sot në Malishevë, Fatmir Limaj tha se nuk do të jetë më pjesë e PDK-së, por para bashkëvendësve të tij ai foli si kundërshtar i Hashim Thaçit.

Limaj iu bëri thirrje mbështetësve që ta rrëzojnë PDK-në në Malishevë dhe të votojnë për kandidatin e Iniciativës Qytetare, kërkoi të goditën me votë pushtetarët e korruptuar dhe shkelës të ligjit.

Në tubimin e mbajtur sot në Palestrën e Sporteve të Malishevës, Limaj mblodhi rreth 2 mijë përkrahës, të cilëve iu bëri thirrje që t’i ndërrojnë pushtetarët aktualë.

Sipas tij, duhet të rrëzohet PDK dhe të fitojë kandidati i Iniciativës Qytetare, një subjekt ky i formuar nga Fatmir Limaj e që të hënën zyrtarisht mori përkrahjen e tij, raporton “Express”.

Njeriu që për vite është konsideruar si dora e djathtë e Hashim Thaçit, nuk deklaroi se do të se do ta sfidojë atë në zgjedhjet e 3 nëntorit në rang vendi.

Në një fjalim që zgjati rreth 40 minuta, Limaj kërkoi të ndërrohen pushtetarët e papërgjegjshëm, të korruptuar dhe ata që shkelin ligjin.

“Unë jam kthyer dhe do të jem pranë jush”, tha ai. Sipas tij, pushtetarët po sillen sikur postet t’i kenë të trashëguar

nga prindërit.

“Kam një mesazh për pushtetarët: mos mendoni se postet ua ka lënë baba”, shtoi ai.

/Sonila Qazimi/