Vlerësuesit e provimit të Letërsisë dhe Gjuhës Shqipe kanë kontrolluar deri tani rreth 45% të testeve nga 46 mijë që janë total.

Pavarsisht masave të rrepta të vendosura nga përfaqësues të MASH-it, duke vendodur zhurmues nëpër shkolla, sërish matuarantët kanë arritur të kopjojnë.

Drejtori i Agjencisë Kombëtare të Provimeve, Alfons Harizaj thotë se ka pasur fleta ku përgjigjet e pyetjeve janë identike, pa përjashtuar fletët ku ka shënime të veçanta dhe përdorim të disa lloj ngjyrash stilolapsi, gjë e cila ndalohet në rregulloren e maturës.

“Këto janë teste që ne i quajmë të parregullta, përfshirë dhe me ato me kopje. Vlerësuesit i nxjerrin rast pas rasti mënjanë kush janë teste të parregullta. Kurse ato që janë të kopjuara, janë të raportuara nga administratorët në procesverbale”, sqaroi drejtori i AKP-së.

Ministria e Arsimit nuk do të lejojë të ketë rikorrigjim, përveç tezave më përgjigje identike që do t’i nënshtohen një vlerësimi të dytë.

/Muzafere Dema/