Delegacionet nga Kosova dhe Serbia, pritet të fillojnë nesër një raund të ri negociatash në Bruksel. Në axhendën e temave për tu diskutuar do të jetë edhe çështja e ndryshimeve ligjore që implikon zbatimi i marrëveshjes së 19 prillit. Zëvendëskryeministri Hajredin Kuçi është shprehur për radion ‘’Evropa e Lirë’’ se ende nuk dihet numri i
Delegacionet nga Kosova dhe Serbia, pritet të fillojnë nesër një raund të ri negociatash në Bruksel. Në axhendën e temave për tu diskutuar do të jetë edhe çështja e ndryshimeve ligjore që implikon zbatimi i marrëveshjes së 19 prillit.
Zëvendëskryeministri Hajredin Kuçi është shprehur për radion ‘’Evropa e Lirë’’ se ende nuk dihet numri i saktë i këtyre ligjeve. Por, sipas tij, Kosova ka ligje tejet fleksibile të cilat mund të jenë të zbatueshme edhe në rastin e implementimit të marrëveshjes.
“Grupet punuese do të udhëtojnë sot për në Bruksel dhe dy ditët e ardhshme do ta definojnë edhe më qartë edhe pozicionin e ndryshimeve që duhet të jenë, por edhe pozicionet tjera që janë me rëndësi në implementimin e marrëveshjes.Kosova ka pasur dhe ka ligje fleksibile të mjaftueshme edhe për implementimin e marrëveshje”, ka thënë Kuci.
Ai gjithashtu i ka ftuar Bashkimin Evropian dhe Shtetet e Bashkuara të Amerikës që të jenë të vëmendshme, sidomos në mbikëqyrjen e zbatimit të detyrimeve që ka marrë pala serbe.
Ndërkohë kryeministri i Serbisë, Ivica Dacic ka thënë se grupet punuese të dy shteteve do të identifikojnë ligjet për zbatimin e marrëveshjes së Brukselit.
Marrëveshja për normalizimin e marrëdhënieve midis Kosovës dhe Serbisë bashkë me planin e zbatimit, pritet të dalë për ratifikim në Kuvendin e Kosovës. Komisioni për Legjislacion planifikon të ftojë zëvendëskryeministrin Hajredin Kuçi, për një informatë në lidhje me ndryshimet e mundshme në ligje.
/ Elta Liksenaj /
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *