Këshillat e mjekëve për virozat e stinës

0

Prej disa ditësh, temperaturat e larta i ka lënë vendin ditëve dhe netëve me temperatura më të freskëta dhe nga ana tjetër një pjesë e qytetarëve kanë nisur të prekën nga virozat e stinës. Mjekët japin disa detaje për komplikacionet dhe këshilla për grupmoshat të cilat janë më të rrezikuara gjatë kësaj periudhe.

Vetë mjekët bëjnë të ditur se situata nuk është alarmante, por qytetarët duhet të bëjnë kujdes kryesisht gjatë orëve të mëngjesit dhe të mbrëmjes, ku temperaturat pësojnë dhe luhatje më të konsiderueshme.

“Ndryshimi i temperaturave solli dhe problemet e veta në popullatë në një pjesë të saj ku solli edhe shfaqjen e një problematike me natyrë virale të virozave të stinës. Faktikisht në 2-3 ditët e fundit kemi pasur një numër të shtuar të pacientëve, të cilët kanë patur një manifestim të shenjave të virozave në rrugët e sipërme respiratore, shfaqur zakonisht në mosha të reja. Mosha që janë aktive në punë. Nuk kemi patur raste të veçanta në mosha të vjetra dhe fëmijë. Rastet janë viroza të thjeshta, të pakomplikuara se ndoshta është fillimi dhe nuk kemi parë ecurinë e tyre, por besoj që do ketë një ecuri normale, por nëse do ketë një rregullim të temperaturave do kemi edhe një ulje të trendit të shfaqjes apo përhapjes së virozës, u shpreh Bruna Shiroka, mjeke familje.

Më tej, doktoreshë Bruna Shiroka dha edhe disa këshilla se si duhet të kujdesemi për shëndetin kryesisht gjatë orëve që janë më të freskëta, në mëngjes dhe në mbrëmje.

Ndryshon temperatura, edhe kur nuk ndryshon stina duhet të ndryshojë veshja. Pra koncepti i veshjes shkon në përputhje me temperaturën, jo me stinën dhe idenë. Mund të mos ketë filluar dimri, por mund të vishemi si në dimër. Pra përshtatshmëria e veshjes, shmangia e ekspozimit në temperatura të ulëta me veshje jo korrekte meqenëse këto viroza të shfaqura në këtë stinë kanë simptoma rrufë dhe tështimë është e nevojshme mbajtja e maskave në ambientet ku ka shumë njerëz, mbipopullim si në shkolla, në kopshte në ambiente të mbyllura, tha doktoresha.

Gjithashtu doktoresha theksoi se deri më tani nuk ka arsye për panik te qytetarët pasi komplikacionet nuk janë shumë serioze, por disi normale për stinën ku ndodhemi.

/A.Miha/ 

PËRGJIGJU

Please enter your comment!
Please enter your name here