Nënkryetari i Lëvizjes për Bashkim (LB), Muhamet Kelmendi, është shprehur se Kosova ka humbur shumë pikë në marrëveshjen për normalizimin e marrëdhënieve me Serbinë.

“Serbia nuk e ka për qëllim normalizimin e marrëdhënieve, por sanksionimin e gjendjes aktuale, si dhe të përfitimeve politike e ekonomike në raport me mekanizmat ndërkombëtarë. Dhe, së këndejmi, Kosova i ka ndihmuar jashtëzakonisht shumë”, ka thënë ai për Epoka e Re. “Pse? Sepse shteti serb nuk e njohu Kosovën shtet, nuk bëri kompensimin e shpërblimin e dëmit, nuk i ktheu dokumentet origjinale të vjedhura, nuk i gjeti të vrarët në Kosovë që besohet se janë në varrezat masive në Serbi. Serbia nuk bëri as edhe një lëshim të vogël, ndërsa i arriti tërë ato që planifikonte”.

/Sonila Qazimi/