Mesa duket çështja Kavani po kthehet në një telenovelë me seri të njëpasnjëshme. Shumë spekulime janë thënë rreth tij për një transferim te Reali i Madridit, Mançester Siti, Monako, apo dhe PSG.

Ka qenë vëllai i tij dhe menaxheri Valter Guljelmone, i cili konfirmon se sulmuesi uruguaian nuk largohet nga Napoli dhe se ai është shumë i kënaqur te skuadra italiane. Sipas tij, nga ana tjetër asnjë ofertë nuk është parë si e përshtatshme për një “makinë golash” si puna e Edison Kavanit.

Më pas ka qenë presidenti i Napolit, De Laurentis, i cili ka thënë se për Kavanin së fundmi është e interesuar skuadra e angleze e Çelsit.

/Klajdi Lleshi/