Kandidati i koalicionit të djathte, Fiqiri Ismaili shpallet fitues në bashkinë shumë të përfolur të Vorës. Rezultati mes kandidatit të djathtë dhe atij të LSI-së, Luan Sollaku, është shumë i ngushtë, ku është pritur edhe numërimi i kutisë së fundit.

Bashkia e Vorës ishte një nga bashkitë kryesore ku Lëvizja Socialiste për Integrim kërkonte fitoren me çdo kusht. Kujtojmë që territori i Bashkisë së Vorës shtrihet përgjatë autostradës Tiranë-Durrës, aty ku janë prezente edhe shumë biznese të mëdha.