Sulmuesi suedez, Zlatan Ibrahimoviç, në një intervistë për “Der Spiegel” ka lavdëruar dhe kritikuar ish-trajnerin e tij, Pep Guardiolan.

“Guardiola është trajner fantastik, por njëkohësisht është burracak. Ai më sakrifikoi mua për shkak të Lionel Mesit, ndërsa nuk kishte guxim të ma thoshte këtë, vetëm më injoronte. Mesi është gjeni, aty nuk ka dyshim, por Guardiola nuk ka asnjë pikë dinjiteti”, ka deklaruar sulmuesi i PSG-së.

31-vjeçari gjithashtu foli edhe për Hoze Mourinjon, nën urdhrat e të cilit ka luajtur te Interi.

“Për Mourinhon, të gjithë lojtarët ishin të gatshëm të vdisnin në fushë. Ai ka qenë një trajner dhe një njeri i vërtetë. Nuk ikte nga problemet dhe gjithmonë dinte si të sillej me lojtarët e karaktereve të ndryshme. Guardiola shmang

klubet me lojtarë të tillë”, ka sqaruar Ibra.

Gjithashtu, gazetari e ka pyetur nëse mund ta imagjinojë veten një ditë te Bajerni, ai i është përgjigjur: “Absolutisht… Me kusht që Guardiola të largohet”

/Ardiol Hoxha/