Ish-ministri i Drejtësisë, Eduard Halimi i ka cilësuar si antikushtetuese vendimet e para të ndërmarra nga qeveria e re. Sipas Halimit, qeveria e re nuk kishte përcaktuar as rendin e ditës dhe i miratoi vendimet pa i shqyrtuar fillimisht ato.

“Ligji përcakton se rendi i ditës miratohet dy ditë përpara. Vendimi fillimisht propozohet, pastaj shqyrtohet. Rama, përsëritës i shkeljes së kushtetutës”, u shpreh ish-ministri, Halimi.

Nga mbledhja e parë e qeverisë së tij, Edi Rama mori tri vendime, dy prej të cilave ai i kishte premtuar që gjatë fushatës zgjedhore. Qeveria vendosi ndalimin e importit të plehrave dhe miratoi heqjen e portretit të presidentit nga institucionet shtetërore dhe zëvendësimin e tij me portretin e Ismail Qemalit.

Nëpërmjet një njoftimi të shkurtër, të publikuar në faqen e re të Këshillit të Ministrave, njoftohen tri vendimet. “Zëvendësimin e portretit të Presidentit të Republikës në ceremonialin zyrtar me portretin e themeluesit të shtetit modern shqiptar, Ismail Qemalit”, shkruhet në njoftim. Nga ndërmarrja e këtij vendimi është ndërhyrë në Ligjin për Protokollin e Shtetit, që përcaktohet përdorimi i portretit të Presidentit të Republikës. Kapitulli “Flamuri Kombëtar” i Protokollit të Shtetit.

Gjithashtu një

tjetër vendim i cili pritet është dhe miratimi i Kodit Etik Ministror, për të cilin Rama është shprehur se është i standardeve të vendeve të njohura demokratike.

/Xhevahir Qardaku/