Greqia pret lëvrimin e 2.5 miliardë eurove

0

Greqia ka kapërcuar pengesën e fundit për pagimin e këstit të ri të kredive emergjente në vlerë 2,5 miliardë euro. Parlamenti grek vendosi dje ristrukturimin e administratës shtetërore.

Para lëvrimit të këstit tjetër të krediteve të emergjencës, Greqia duhet të plotësonte disa kushte për paradhënësit ndërkombëtarë. Duket se këto kritere vendi i zhytur në krizë i ka plotësuar tashmë.

Parlamenti në Athinë e vulosi në një seancë të përshpejtuar të enjten në mbrëmje, kuadrin ligjor për reduktimin e vendeve të punës në administratën shtetërore, si edhe ligjin e ri të tatimeve. Me këtë plotësohen të 22 “kriteret prioritare të partnerëve europianë dhe të Fondit Monetar Ndërkombëtar, FMN. Greqia pret lëvrimin e 2,5 miliardë eurove.

Kreu i eurogrupit, Jeroen Dijsselbloem është shprehur se dhe vendet e tjera të eurozonës do të japin vlerësimin e tyre deri më 29 korrik.

/Elta Liksenaj/

 

PËRGJIGJU

Please enter your comment!
Please enter your name here