Greqia do të miratojë pranimin e Maqedonisë në NATO

Greqia do të miratojë pranimin e Maqedonisë në NATO

Pas ratifikimit të Marrëveshjes historike të Prespës nga parlament grek, Shkupi pret nga NATO, hyrjen në fuqi të protokollit të pranimit për të cilin nevojiten ratifikimi nga 29 parlamentet e vendeve anëtarë. Rrugëtimin në Aleancën e Atlantikut të Veriut i Maqedonisë së Veriut duket se do ta nisë pikërisht nga Greqia. Parlamenti i këtij vendi

Pas ratifikimit të Marrëveshjes historike të Prespës nga parlament grek, Shkupi pret nga NATO, hyrjen në fuqi të protokollit të pranimit për të cilin nevojiten ratifikimi nga 29 parlamentet e vendeve anëtarë.

Rrugëtimin në Aleancën e Atlantikut të Veriut i Maqedonisë së Veriut duket se do ta nisë pikërisht nga Greqia. Parlamenti i këtij vendi pritet të votojë javën e ardhshme pranimin në këtë organizatë. Qeveria Cipras synon të mbyllë shpejt procedurat, përballë rrezikut të rritjes së valës nacionaliste në vend.

Sipas mediave në Athinë, ministria greke e punëve të jashtme i ka nisur tashmë procedurat për dërgimin e protokollit të pranimit në parlament.

Në një prononcim për Politico, Sekretari i Përgjithshëm i NATO-s Jens Stoltenberg frenoi entuziazmin e Shkupit, duke thënë se procedura e anëtarësimit kërkon kohë. Shefi i NATO-s solli rastin e Malit të Zi, që iu desh 1 vit deri në pranimin në aleancën ushtarake. Nga ana tjetër edhe zëdhënësja e BE, Maja Koçijançiç tha se hapja e negociatave mund të vijë në qershor të 2019, duke nënvizuar se nevojiten reformat e përcaktuara nga Brukseli.

Marrëveshja për emrin e ri të Maqedonisë u bë sërish shkak për protesta në Greqi. Në rrugët e Selanikut, qindra protestues u përleshën me policinë natën e së dielës. Ata kontestuan edhe qëndrimin e presidentit Prokopis Pavlopulos, të cilin e akuzojnë se ka heshtur pas miratimit të paktit në parlamentin grek.

 

//N.Dragoti//

objektiv.al
ADMINISTRATOR
PROFILE

Artikuj të ngjashëm

Lini Komentin tuaj

Adresa juaj e emailit nuk do të publikohet. Fushat e kërkuara janë shënuar me *

Të Fundit

Më të Komentuar