Fëmijëve, jo shumë ëmbëlsira

0

Fëmijët i duan ëmbëlsirat. Nëse mësohen që në vegjëli të hanë çokollata, bonbone, ata do të mësohen me shijen e tyre të ëmbël dhe do të duan t’i hanë çdo ditë. Të rriturit u japin fëmijëve ëmbëlsira më së shpeshti nga shprehia: “Të gjitha hanë ëmbëlsira, prandaj edhe fëmijët e mi duhet të hanë”, këtë do e dëgjoni më së shpeshti.

Kjo shprehi e fëmijëve i bën ata konsumues të rregullt të shumë ëmbëlsirave, të cilat nuk përmbajnë asnjë përbërës ushqyes. Nëse fëmija juaj më me dëshirë i ha çokollatat sesa drekën apo darkën, ja disa këshilla të cilat i kanë përgatitur ekspertët e Universitetit të Miçigenit, të cilat mund t’ju ndihmojnë që të zvogëloni sasinë e ëmbëlsirave që fëmijët në raste të shpeshta do t’i hanin:

– Mos i largoni tërësisht: Lejojini një sasi të caktuar të ëmbëlsirave, por mos i hiqni tërësisht nga ushqimi fëmijës. Nëse bëni tabu nga ëmbëlsirat, fëmija vetëm se do të dëshirojë më shumë t’i hajë. Prandaj ëmbëlsira-po, por me masë.

– Sa më pak pako: Kur mos mbani pako të shumta të ëmbëlsirave në kuzhinë. Nëse fëmijët tuaj e kuptojnë që nëpër raftet e kuzhinës ka pako çokollatash apo bonbonesh, ai natyrshëm do të dëshirojë t’i hajë ato në moment. Më mirë mbani pemë të thata apo të freskëta si dhe perime të ndryshme.

– Jepni vetëm sasinë e caktuar: Kur t’i jepni fëmijës ëmbëlsirë, bëjini të ditur sasinë e ëmbëlsirës e cila i lejohet për atë rast. Nëse thoni “do ta kesh një copë” atëherë fëmiut jepini vetëm atë sasi.

/Elta Liksenaj/

PËRGJIGJU

Please enter your comment!
Please enter your name here