Kandidati i pavarur për deputet në qarkun e Fierit, Dritan Prifti deklaroi ditën sotme se është kërcënuar me jetë nga dy persona, identitetin e të cilëve e ka bërë publik.

E.Duçellari dhe A.Gremi kanë kërcënuar më jetë Priftin përmes telefonit dhe menjëherë pas kësaj telefonate deputeti ka bërë denoncimin në polici.

Nga ana e policisë ka ardhur një qëndrim zyrtar ku thuhet: “ Në lidhje me deklaratat e bëra nga kandidati i pavarur Dritan Prifti për kërcënimet e bëra kundrejt personit të tij me telefon nga dy shtetas, nga ana e Drejtorisë së Policisë së Qarkut Fier bazuar në kallzimin e bërë, në bashkëpunim me prokurorinë, janë kryer veprimet e para proceduriale dhe është bërë shoqërimi i këtyre shtetasve.”

/Rovena Dupi/