Endrit Dokle, i njohur si anëtar i bandës së Durrësit, apelon vendimin e dënimit për trafikun e drogës. Së bashku me të dënuarin Izet Krasniqi i janë drejtuar me një padi Gjykatës së Lartë, ku kërkojnë revokimin e dënimit. Endrit Dokle i dënuar me 16 vjet heqje lirie fajtor për veprën penale të drejtimit nga
Endrit Dokle, i njohur si anëtar i bandës së Durrësit, apelon vendimin e dënimit për trafikun e drogës. Së bashku me të dënuarin Izet Krasniqi i janë drejtuar me një padi Gjykatës së Lartë, ku kërkojnë revokimin e dënimit.
Endrit Dokle i dënuar me 16 vjet heqje lirie fajtor për veprën penale të drejtimit nga burgu të organizatës kriminale për trafikun e drogës. Ndonëse Dokle akuzohet për disa vepra penale duke filluar nga vrasjet, rrëmbimet, trafiqet e paligjshme, gjithashtu, drejtonte dhe një trafik të organizuar droge nga burgu.
Për të arritur në zbulimin e kësaj organizate, ka qenë vetë prokuroria ajo që e pajisi me telefon të dënuarin me burgim të përjetshëm. “Kurthi” i ngritur nga akuza dërgoi në stolin e të pandehurve për herë të dytë Doklen. Hetimet për Endrit Dokle një nga pjesëtarët e “Bandës së Durrësit”, filloi në vitin 2008.
Emri i Endrit Dokles ishte skeduar nga drejtësia Italiane, si një prej organizatorëve të trafikut të lëndëve narkotike. Akuza për të zbardhur ngjarjen, mori leje nga gjykata për të bërë përgjim të bisedave telefonike për disa numra telefoni celular në përdorim të pandehurve, Isuf Buna, Endrit Dokle, Jorid Xhunga dhe të tjerëve.
Nga hetimet ka rezultuar se në harkun kohor gusht 2008- prill 2009, të pandehurit kanë krijuar një grup të strukturuar kriminal, me qëllim trafikimin e lëndëve narkotike drejt Italisë. Droga blihej në Tiranë e më pas dërgohej në Itali për tu trafikuar. Në krye ishte Endrit Dokle, Isuf Buna dhe Izet Krasniqi. Këta ishin edhe financuesit për blerjen e drogës.
Arrestimet e para erdhën në Itali në vitin 2008. Kanë qenë pikërisht Ervin Bakri dhe Flameng Kërtusha ata që u kapën me 13.760 kg heroinë e 4000 mijë euro nga policia Italiane në makinën e tyre. Këta ishin korrierët e drogës, ndërsa kapot e trafikut ndodheshin në qeli. Në përbërje të grupit, Dokle kishte edhe kunatin e tij.
Ndërkohë Endrit Dokle tashmë nuk do të ketë mundësi të dalë nga qelitë e burgut. I njohur si një nga njerëzit më të rrezikshëm të Bandës së Durrës, të gjitha krimet e tij u zbuluan nga Adriatik Coli, një person i paguar për të vrarë armiqtë e bandës famëkeqe të Durrësit.
/Sonila Duka/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *