Adem Demaçi, politikani dhe aktivisti i kauzës kombëtare, i bën thirrje opozitës të mos e çojë vendin në zgjedhje të parakohshme. Ajo ose duhet ta lërë Thaçin të formojë qeverinë e re, ose ta rrëzojë atë që në seancën e parë. Sipas Demaçit, e drejta për të formuar qeverinë e re i takon Hashim Thaçit,
Adem Demaçi, politikani dhe aktivisti i kauzës kombëtare, i bën thirrje opozitës të mos e çojë vendin në zgjedhje të parakohshme. Ajo ose duhet ta lërë Thaçin të formojë qeverinë e re, ose ta rrëzojë atë që në seancën e parë.
Sipas Demaçit, e drejta për të formuar qeverinë e re i takon Hashim Thaçit, sepse ai fitoi shumicën e votave në 8 qershor.
“Opozita le ta lenë Thaçin ta themelojë qeverinë dhe liderët tanë të mos e lodhin popullin në këtë zhegë me zgjedhje. T’i respektojnë rregullat dhe të lënë atë që fitoi ta themelojë qeverinë,” tha Demmaçi gjatë një interviste për agjencinë e lajmeve “Presheva jonë”.
Demaçi shtoi, se nëse partitë opozitare mendojnë se kanë shumicën, ato duhet ta rrëzojnë Thaçin që në seancën e parë dhe të mos e çojnë Kosovën në zgjedhje të reja.
“Nëse kjo aleancë e këtyre tre liderëve të partive Isës, Ramushit dhe Limajt mendojnë se kanë shumicën e popullatës dhe nëse nuk ju duket atyre dhe nëse ju merr mendja se kanë shumicën e votave, në parlamentin e ardhshëm, le ta rrëzojnë Thaçin që në seancën e parë të parlamentit”, u shpreh Demaçi.
/Romina Qama/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *