E përditshmja spanjolle “El Mundo Deportivo” raporton se nënshkrimi i marrëveshjes mes Realit të Madridit dhe futbollistit brazilian Nejmar është më afër se kurrë. Pas dështimit në Ligën e Kampionëve, presidenti madrilen Florentino Perez është i gatshëm për të marrë yllin brazilian. Reali i Madridit ka dërguar agjentët në Brazil për te arritur marrëveshjen me
E përditshmja spanjolle “El Mundo Deportivo” raporton se nënshkrimi i marrëveshjes mes Realit të Madridit dhe futbollistit brazilian Nejmar është më afër se kurrë.
Pas dështimit në Ligën e Kampionëve, presidenti madrilen Florentino Perez është i gatshëm për të marrë yllin brazilian. Reali i Madridit ka dërguar agjentët në Brazil për te arritur marrëveshjen me këtë talent.
Siç raporton “El Mundo Deportivo”, shuma totale që do të përgatisë Florentino Perez kap shifrën e 120 milionë eurove, gjë që mund ta bëjë atë një nga blerjet më të mëdha ne historinë e futbollit.
Perez e dëshiron Nejmarin për dy arsye. Së pari, ky do të ishte zëvendësimi i duhur në rast të largimit të Kristiano Ronaldos. E dyta, do të ishte “vjedhja ideale” e klubit rival, që është Barcelona.
Megjithëse interesimi i Realit të Madridit është i madh, Nejmar dëshiron kalimin e tij tek rivalët e përjetshëm të Realit, Barcelona. Media të ndryshme thonë se braziliani ka nënshkruar një parakontratë me katalanasit.
/Dorjan Gjepali/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *