Content on this page requires a newer version of Adobe Flash Player.

Beder



Content on this page requires a newer version of Adobe Flash Player.

vrioni

Çfarë duhet të dimë për diabetin?

Çfarë duhet të dimë për diabetin?

0 Komentet 🕔17.12.2013 - 12:07

Përqindja e të prekurve nga diabeti mellitus (apo diabeti i sheqerit) po rritet në të gjithë botën. Mbi 90 % të rasteve, janë pacientët me diabet të tipit 2. Përqindja tjetër përbëhet nga diabeti tip 1, diabeti i shtatzënisë dhe forma të tjera të diabetit.

Sipas të dhënave të IDF (International Diabetes Federation) të vitit 2012, në botë, janë 371 milion persona me diabet. Rreth 50 % e njerëzve që kanë diabet, janë ende të padiagnostikuar dhe kjo shifër llogaritet në 183 milion persona.
Numri më i madh i pacientëve me diabet i përket grupmoshës 40-59 vjeç. Është e rëndësishme të theksohet se personat me diabet mund të mos kenë shenja klinike, pikërisht për këtë arsye duhet të bëhet kontrolli i glicemisë (sheqerit) në gjak.
Ndërkohë që personat që shfaqin etje të shtuar, urinim të shpeshtë, tharje të gojës, humbje në peshë, infeksione të përsëritura, duhet të masin nivelin e glicemisë. Nëse vlerat e glicemisë kanë qenë të larta për një kohë të gjatë personat me diabet mund të shfaqin edhe dobësi trupore, rënie në peshë, dhimbje barku, të vjella, etj.
Personat që duhet të testohen për diabet janë:
-Të rriturit me mbipeshë trupore dhe obezë
-Personat që bëjnë jetë sedentare
-Personat që kanë të afërm me diabet
-Femrat që kanë lindur fëmijë mbi 4 kg, ose që kanë pasur, në shtatzënitë e mëparshme, diabet shtatzënie
-Personat që vuajnë nga hipertensioni arterial
-Personat që vuajnë nga sëmundje të zemrës
-Personat që janë diagnostikuar më parë me pre-diabet
-Femrat me mikrokiste në vezore
Kriteret diagnostikuese që një pacient të ketë diabet janë:
-Glicemia esëll ≥ 126 mg/dl
-Glicemia 2 orë pas provës së ngarkesës me glukozë ≥ 200 mg/dl
-Një glicemi rasti ≥ 200 mg/dl e shoqëruar me shenja të diabetit
-Hemoglobina e glukozuar ≥ 6.5 %
-Niveli i glicemisë para dhe pas ushqimit tek personat me diabet varet nga mosha e pacientit me diabet dhe nga sëmundje të tjera shoqëruese. Kriter i rëndësishëm për vlerësimin e mjekimit të diabetit është krahas nivelit të glicemisë esëll dhe asaj 2 orë pas ushqimit edhe HbA1c, (hemoglobinë e glukozuar), e cila mat mesataren e nivelit të sheqerit në gjak për 2-3 muajt paraardhës.

Nuk ka Komente

Për momentin nuk ka komente!

Askush nuk ka lënë koment për këtë postim!

Shkruaj një koment

Adresa juaj e e-mail-it nuk do të publikohet. Plotësimi i fushave të domosdoshme është shënuar me shenjën *

Sondazh

A mendoni se reforma në drejtësi do të japë rezultatet e pritura?

View Results

Loading ... Loading ...

Fjalë e urtë

Ku ka tym,ka edhe zjarr