Partia Demokratike akuzon kryeministrin Rama se po dëmton themelet e politikës së fqinjësisë së mirë që ka ndjekur deri më tani Shqipëria.

Ish-ministri i jashtëm Aldo Bumçi në një deklaratë për mediat,  e cilësoi si të paprecedentë deklarataën e Ramës në konferencë me presidentin e Maqedonisë Georgi Ivanov, që sipas tij barazojnë pakicën maqedonase me shqiptarët që jetojnë në Maqedoni.

“Rama po dëmton themelet e fqinjësisë së mirë.  Rama nuk përmendi Marrëveshjen e Ohrit që i dha fund konfliktit në Maqedoni. Në një deklaratë të paprecedentë Rama i vuri shenjën e barazimit mes pakicës maqedonase dhe shqiptarëve që jetojnë në Maqedoni. Rama duhet t`u shpejgojë shqiptarën politikën e re që po çbën themelet në të cilat është ndërtuar politika e Shqipërisë” theksoi Bumçi.

/Erilda Sulika/